#1 Grenslose gesprekke: Kunsuitstallings open
Vir die 30ste bestaansjaar van die KKNK is die mikpunt om ’n visuelekunste-aanbod saam te stel wat die geskiedkundige aspekte van die dorp en fees huldig, terwyl dit ook na die toekoms reik.
A Victor Borge Tribute
Winand Grundling, bekend as ’n top-orrelis, is ook ’n virtuose pianis en iemand met ’n natuurlike instink vir improvisasie en komedie.
Akrasia
Dit is die eerste herdenking van Reuben se ma se dood. Hy bied ’n kunsuitstalling aan, getiteld Rou Moeder. ’n Huldeblyk, of eerder ’n finale totsiens, met sy ma as die middelpunt van alles.
Antie Wi’oekal
The Dress. YouTube se Comedy Hype-kanaal het ’n conspiracy waar “weird Hollywood” obsessed is met swart mans pressure om swart vrouens te speel en hulle mense af te maak.
Apple
Onder ’n groen appelboom krap Adam (’n knorrige realis) en Steve (’n uitbundige, emosionele optimis) hul pad uit die grond uit en die wêreld van ontdekking binne.
As die mooi aan ons haak
Kristi Steyn is op reis deur Afrikaans om te bewys dat Afrikaans meer as ’n taal is. Word weggevoer met sang, klavier en tjello tussen nuwe en ou gedigte deur bekendes en onbekendes. Die liedjies en gedigte word verweef met stories en komiese staaltjies oor musiek, skep en die lewe van ’n indringer.
Atropa: Die wraak van vrede
In ’n wêreld verskeur deur oorlog, ongelykheid en die nalatenskap van kolonialisme, tref Atropa soos ’n pyl in jou vlees. Die gevierde Vlaamse skrywer Tom Lanoye se herbesinning oor die Trojaanse Oorlog is nie net ’n hervertelling nie – dit is ’n radikale aanklag teen die hedendaagse magsug, patriargie en die politiek van geweld.
Badtyd
’n Ou wil maar net sy uitstap mooi maak. Toe hy gebore is, in die bad geverf met muf, het hulle sy ma kom haal. Vandag, jare later, is hulle terug. Dis weer badtyd.
Beste van alle tye
’n Satiriese blik op Afrikaner-wees in die 21ste eeu. Die stuk ontleed die politiese, maatskaplike, kulturele en absurde landskappe waarin Afrikaners/“Afrikaners”/Afrikaans-sprekendes hulself bevind en uitleef.
Blitsteater
As ons enigiets laasjaar by Blitsteater geleer het, is dit dat kort teaterwerke jou net so hard kan tref soos ’n lang toneelstuk – soms vinniger! Agt uiteenlopende 20-minuut-blitsvertonings vorm deel van hierdie jaar se aanbieding.
Boesman en Lena
Boesman en Lena is twee hawelose randfigure – uitgelewer aan mekaar, die elemente en ’n politieke bestel wat hulle nie ag nie. Athol Fugard se ikoniese stuk bied ’n boeiende blik op die kompleksiteit van verhoudings en maatskaplike ongeregtigheid.
Die ‘Real Housewife’
Die kykerspubliek het vasgenael gesit toe die TV-program uitgesaai is. Meeste mense kon nie glo wat hulle sien nie. Nog steeds, wêreldwyd, word reekse van The Real Housewives uitgesaai.
Die siel van Eugène Marais
’n Dramatiese reis deur die innerlike wêreld van een van Suid-Afrika se mees komplekse en tragiese literêre figure. Hierdie kabaret speel af teen die agtergrond van ’n onstuimige tydperk in die Afrikaner- en Suid-Afrikaanse geskiedenis.
Die skuld wat bloed betaal
Twee kinders – een wit, een bruin – beur die lewe in en word gedurende die apartheidsjare in dieselfde plattelandse omgewing groot. Onder dié grond voed die bloed en beendere van voorsate die DNS van die landskap.
Die spoor van ’n storie
Met Pietman Geldenhuys – sanger, storieverteller, skerpskertser en TV-aanbieder van Oppiestoep faam – aan die stuur, is hierdie ’n program vol lag en lewenslus.
Dom, PasOp!
Welkom in die lewe van ’n Cheese Boy. Hy is ryker as meeste swart ouens en sy sak is platter as meeste wit ouens … Net sag genoeg om van albei kante die brak se byt te voel.
Ek is nie Danie
Albert Pretorius trek onder die opruiende begeleiding van Schalk Joubert die skrapnel van ’n vreesaanjaende gewone lewe, skerf vir skerf, uit ’n mislukte huwelik in die buitenste ruimte van Duitsland en die bevoorregte, prekêre gemors van middelklas-Suid-Afrika.
Excerpts | Uittreksels
’n Versameling monoloë wat die dekades-oue onderwerpe van Westerse inmenging, sielkundige kondisionering en sensuur, deur ’n Kaapse lens ondersoek.
Feesmark se musiekverhoë: 29 Maart
Fees voluit van vroegdag by die KKNK se meer intieme dagverhoog om jou in die regte luim te kry vir ’n groot partytjie op die Feesmark-verhoog tot laat. Heerlike eetgoed en iets koud om te drink is ook nooit te ver weg nie.
Filled
Wanneer haar private afgryslikheid ’n publieke spektakel word, kom die werklikheid in opstand. Almal het iets te sê: Haar bestuurder, daardie vrou by joga, maar niemand luister werklik nie.
Ganga Nyoko! Inzima Nyoko!
Twee jare lange vriende besluit om ná sewe jaar waarin hulle mekaar nie gesien het nie weer te ontmoet. Tydens hierdie herontmoeting word die verskille tussen die twee al hoe duideliker en geheime wat lank bewaar is, kom na vore.
GAT
GAT is ’n rou en kragtige dans-en-teaterproduksie. Die groep reis op ’n bakkie vol gebede deur emosies van swaarkry tot vreugde en gee gestalte aan hul gemeenskap se stories.
ge-gebergtes
’n Paar dae ná sy 90ste verjaarsdag word ’n emeritus professor oorweldig deur die lewe. Dit was ’n Saterdag, die Springbokke sou die middag speel, en sy rekenaar, foon, niks wou werk nie, alles het net te veel geraak.
Granaatsap
Ná haar heilige droom word Ouma ’n selfaangestelde profeet. En haar huis word haar tabernakel. Daar waar die Onse Vader talm en oorlede Albertus lê, groei die heilige granaatboom – bewyse van Ouma se offerande.
Haasvoël
Welkom by die Nasionale konferensie van skaars spesies. Op vandag se agenda: Die bespreking en ontleding van die Haasvoël in sy natuurlike habitat.
Historiese wandeltoer
RJ Tours bied ’n gemaklike staptoer op Oudtshoorn aan, waar deelnemers verskeie historiese geboue besoek en verryk word deur geskiedkundige stories.
Hortjies dig: Die storie van digter Peter Blum
In die vyftigs word Peter Blum geloof as die belangrikste digterstem van die dekade, maar sommige vind sy werk “dekadent” en praat van ’n “maaierkultus” in die verskuns. In 1960 verruil hy en sy vrou, Hetta, Suid-Afrika vir Engeland.
Hou die wêreld vas
’n Jong seuntjie moet die hele wêreld vashou. En al is hy bang, is hy bereid om alles van grootword te leer. Op sy kleurvolle avontuur leer hy die belang van verbeelding, vriendskap en braaf wees.
Internet Sensasie 2.0
Soos die 2025-debuut, maar heeltemal anders! Mel die Storieverteller het in 2025 by die KKNK met haar derde komiese vertoning, Internet Sensasie, gedebuteer. Sedertdien is hierdie vertoning meer as 80 keer opgevoer, en soos ’n lomp aartappel wat deur ’n helse tyd gaan om in legendariese vodka te verander, het hierdie show vele gedaanteverwisselings ondergaan.
Jak de Priester: 25 jaar van songs
2001 was die jaar waarin Jak de Priester sy eerste groot treffer, “Sally Williams Nougat”, geskryf het. Die daaropvolgende jaar wen hy die ATKV-Crescendo-kompetisie en stel sy eerste album bekend. Dit is ook die jaar waarin hy sy eerste vertoning na die KKNK bring.
Jammer vir die podcast
Ná twee dekades van die mikrofoon vashou, het Hannes Brümmer, soos ’n wafferse loods, sy ure opgebou en sy twakpraatlisensie verdien – en nou kan die gehoor vertrou dat hulle veilig met hom aan die stuur is.
Karoo Pops
Karoo Pops is ’n voluit klankervaring onder leiding van maestro Richard Cock en ’n simfonieorkes. Geniet ’n aand met ’n program propvol onvergeetlike oomblikke op die verhoog onder die Klein Karoo-sterreprag.
KLAWER
Met sy geliefde klaviertreffers, oud én nuut, en die bekendstelling van sy nuwe boek, Klawer, neem Rocco de Villiers die gehoor op ’n poëtiese reis deur die klein, kleiner en kleinste dorpies van Suid-Afrika.
LAPA Lekkerleesminuut
Kuier elke dag om 11:30 saam by die Klein KKNK-teater. Bekendes in die vermaaklikheidsbedryf lees voor uit van LAPA se bekendste kinderboeke en lekker boekpryse kan gewen word.
Lemoene, Lemoene, Lemoene, Lemoene, Lemoene
In ’n Suid-Afrika waar mense net 140 woorde per dag mag gebruik, moet twee jong geliefdes leer om met stilte te leef, en om met woorde te baklei.
Magda Louw en haar Erhard: How Louw can you go?
Magda en Erhard het beplan om die gehoor te beïndruk – goeie storie, goeie humor, goeie waarde vir geld. Maar Erhard vergeet waar hy is, Magda probeer red wat te redde is, en die dans … wel, dis maar “Louw-warm”.
Messy
Soos Love Island, maar sonder die kontantprys, fokus Messy op Sam, ’n aanlyn sekswerker wat haar chaotiese verhouding met seks, liefde en intimiteit ondersoek.
Met die maan gepla
’n Muis wat nog nooit kon droom nie, begin wonder oor die maan. Wat volg is ’n klein verhaal oor groot drome en die dinge wat ons laat opkyk. ’n Visuele, hartroerende storie vir oud en jonk.
Miniatuur-herinneringe: ’n Borsspeld-werksessie
Elke borsspeld dra ’n storie, joune ook. In hierdie kreatiewe werksessie maak deelnemers twee miniatuur-kunswerke: Een teks-gebaseerde borsspeld (’n woord, kort sin of frase) én een beeld-gebaseerde borsspeld, soos ’n klein landskap, portret of abstrakte vorm.
Moederboeke en sustertale
Antjie Krog en Tom Lanoye is twee gevierde skrywers uit verskillende wêrelddele wat vrylik tussen genres beweeg.
MOORDBALLADES
Die bekroonde joernalis en TV-regisseur Chris du Plessis het onlangs weer vir ’n slag sy musiekvernuf afgepoets met melodieuse weergawes van Afrikaanse verse uit die vorige twee eeue, “eerder as toonsettings van die sexy sestigers wat so gereeld opgedis word”.
Munisipale dienslewering – of eerder diensontbering?
Die woord “munisipaliteit” is vir baie sinoniem met ’n moedelose gesug. Wat baat dit inwoners maak slaggate reg en die munisipale swembad word herstel … as die oudits steeds nie skoon is nie?
Oepsie
Oepsie, die vertoning wat jou laat dink: “Het sy rêrig ’n liedjie daaroor geskryf?!” Christie van Niekerk nooi jou na ’n komedie wat ewe veel eerlik, ongemaklik en blooswaardig is.
Olifant-en-ontbyt-ervaring
Geniet ’n buffet-ontbyt in die restaurant en beleef ’n wonderlike ervaring saam met die drie grootpote, Malaika, Bulelo en Jabari. Word meegevoer deur die aangrypende verhaal van drie wees-Afrika-olifante wat ’n gelukkige tuiste by Buffelsdrift Game Lodge gevind het.
Olyf tot olyfolie
Hierdie toer en proe bied ’n warm, vriendelike en leersame ervaring waar deelnemers leer hoe olywe geoes en olyfolie verbou en vervaardig word. Of jy nou ’n fynproewer van olyfolie is of nie – dit is ’n fantastiese toer vir elkeen wat meer van die bekende De Rustica Olive Estate wil sien.
Ouma en die ou koeie
Soos ons ouer word is meeste mense geneig om (gerieflikheidshalwe) sekere dinge te begin vergeet. En dis gewoonlik die goed wat ons nie wil onthou nie. En dié wat ons wil onthou, kry mos mettertyd allerhande “versierinkies” by.
Pas
Pas is ’n atmosferiese stuk wat afspeel teen die harde werklikhede van die apartheid-era in Suid-Afrika. Die drama volg vir Johanna, ’n jong vrou wat gedwing word om skielik te vlug, en Beverly, die ouer kollega wat onverwags haar gids word, deur ’n wêreld gevorm deur mag, vrees en onuitgesproke geskiedenisse.
Please, Don’t Call Me Moffie
Nadat hulle ’n aanlyn video van ’n brutale, homofobiese aanval in ’n onbekende Arabiese land gesien het wat wyd versprei is, reageer vyf jong, bruin mans daarop en deel hul ervarings van hoe dit was om queer groot te word en hoe hulle met godsdiens en hul identiteit geworstel het.
Rondomtalie / Marry-go-round
Raak vir 70 minute ’n voyeur as jy inloer by die derde van ses terapiesessies van ’n paartjie wat hul huwelik van 12 jaar probeer red. Olivia het vir Alan op heterdaad op die kombuistafel met ’n ander vrou betrap. En sy is soos ’n vasgehaakte plaat wat hom in geen onseker terme en “kleurvolle” taal ’n oomblik daarvan laat vergeet nie.
Skandalig
Fees voluit tot laatnag by Skandalig. Verwag hope musiekverrassings en lekker kuier, die perfekte manier om jou feesdag af te sluit (of te begin).
Skoenlapperhart / Serurubele
Mosa en Neo is beste maats wat mal daaroor is om saam kgati (touspring) te speel. Wanneer een van hulle skielik nie meer daar is nie, bly die ander een agter met gevoelens van hartseer, verwarring en onsekerheid oor hoe om sonder haar vriendin aan te gaan.
Soos ’n lafenis
In Soos ’n lafenis stel Koos van der Merwe sy nuwe digbundel, die armkant van rykdom, bekend. Daar is groot afwagting nadat sy gedigte oor die afgelope maande deur meer as 500 000 mense op sosiale media gelees is.
Spoel
Uit die ryk fotografiese versamelings en gemeenskapsargiewe wat deur 2025 se fotografiese navorsing gevorm is, ontvou Spoel uit beelde wat dekades lank stilweg ’n dorp se geheue gedra het. In die skeppingsruimte word hierdie foto’s merkers – uitnodigings aan die ensemble om die lig, skadu, gebare en stories wat tussenin sweef te volg.
Sterrekyk in die Klein Karoo
Ervaar die betowerende skoonheid van die Klein Karoo-naghemel saam met Night Sky Tours. Stap onder die uitgestrekte, sterverligte hemel en ontdek ’n wêreld van stilte, helderheid en kosmiese verwondering.
Te Heerlik: Tee-en-smaak-ervaring
’n Intieme smaak-ervaring in die hart van Oudtshoorn, waar die verhale en geure van die Klein Karoo ontmoet. Ontdek die ryk geskiedenis van rooibostee en ervaar vyf unieke tee-proeë wat perfek gepaard gaan met vyf handgemaakte smake uit Te Heerlik se winkel.
The Fool’s Guide
Hierdie teaterstuk is geskep as ’n fisieke en performatiewe komiese besinning oor die raakpunte tussen kontemporêre tegnologie en Die Nar, Jan Alleman en Die Onskuldige.
The Shadow State
Op 23 Augustus 2021 op pad huis toe sterf ’n hardwerkende, stil enkelma in ’n koeëlreën. Haar naam was Babita Deokaran, hoofrekenmeester by die Gautengse departement van gesondheid.
Twee oseane
Twee oseane is ’n samewerking tussen twee unieke musikale entiteite, die groep Coffee Snobs en Helene Bester, met die see as kerntema. Die see met sy magiese teenwoordigheid en prag het al talle besonderse musikale werke geïnspireer en met hierdie produksie vertolk Helene Bester en Coffee Snobs hul gunsteling- kontemporêre liedjies oor die see.
Valskermbataljon-verhale
Valskermbataljon-verhale vat jou saam met die Parabats – die elite-valskermsoldate wat deur die lug geval en op die grond geveg het. Dis regte stories deur regte manne oor oomblikke wat hulle nooit sal vergeet nie.
Van komedie tot digkuns: Lizz Meiring, Chris van Niekerk en Joanie Combrink
Teater-ikone Lizz Meiring, Chris van Niekerk en Joanie Combrink gesels oor hul produksies by vanjaar se fees en kyk terug oor ’n lewe in die teater.
Veer
Om te sterf, om te slaap – dis al wat oorbly. Niks anders nie. Wie weet watter drome jy dalk mag droom?
Vere langs die pad
Ná Verhale uit Volstruisville volg Stephan Henrico se tweede bundel met vertellings, rubrieke, sketse en waarnemings. Vere langs die pad is biografiese kortverhale wat die skrywer se beskouing van die lewe blootlê.
Visuelekuns-rondleidings
Sluit daagliks aan by verskeie kunstenaars vir ’n rondleiding van die visuele kuns by die 30ste KKNK. Tree in gesprek met verskillende kunstenaars en kurators. Elke dag besoek ’n ander uitstalling.
Wag, wat?
Rehearsal môre gewone tyd in die kerksaal. Ons het baie om deur te werk, so moet asseblief nie laat wees nie! Onthou jou water en goeie vibes! Kwaai
Wildehondekloof: Fynbos-fynproe
Wildehondekloof se gewilde fynbos-toer-en-proe word vir die tweede keer tydens die KKNK aangebied. Ervaar die wonder van die Klein Karoo se fynbos in kos. Ná ’n kort stappie in die veld om te kyk na die plante, keer deelnemers terug na die hoofhuis waar fynbos-gegeurde soute, asyn en tee geproe word.
Willie Strauss: Tong in die quiche
Tong in die quiche is radiopersoonlikheid, kabaretkunstenaar en tuiskok Willie Strauss se nuutste produksie. Willie se stem is herkenbaar oor die land heen en met sy aansteeklike lag vermaak hy gehore met sy Noord-Kaapse aksent.
Woordenaar
Woordenaar is ’n klank- en woordryke reis deur die lewe en grootwordjare van ’n seun wat van wit en swart afkomstig is. Sy begin in die velde en vlaktes van die Oos-Kaap en sy verwarrende en vreemde ervarings op die Kaapse Vlakte.
Zip Zap Circus: MOYA
MOYA, geïnspireer deur die unieke Suid-Afrikaanse konteks, verken en vier die land se erfenis en kultuur in ’n akrobatiese vertoning wat soos ’n lewende skildery ontvou.
Zonkie en die laaste boomhuis
Met toeters en fluitjies en ’n gesig so mooi geverf, trap Zonkie ’n fiets vol fieterjasies en bederf. Daar is skoenlappers wat fladder in die wolke bo haar kop, en ’n boomhuis vol stories wat oopmaak as sy stop!