Biltong en Dior is ’n uitbundige relaas oor die kunstenaar en skrywer Louis Jansen van Vuuren se kleurvolle ervarings as Suid-Afrikaner wat al langer as 25 jaar ’n liefdesverhouding het met alles wat Frans is en vir minstens die helfte van elke jaar in Frankryk woon en werk.

In Dharma-dwaas in Doodloopstraat is die randfiguur Biko April op soek na sy eie stem in die mededingende wêreld van kunstenaarskap. Enersyds vrees hy eensaamheid en andersyds vrees hy groepdenke en ’n gebrek aan uniekheid wat met eendersheid gepaardgaan.

Twee kinders – een wit, een bruin – beur die lewe in en word gedurende die apartheidsjare in dieselfde plattelandse omgewing groot. Onder dié grond voed die bloed en beendere van voorsate die DNS van die landskap.

Dit neem ’n jaar vir die aarde om een keer om die son te wentel. In dié tyd kan geweldig baie gebeur, bitter én soet. Die aangrypende verhaal van ’n gesin wat op die oog af gelukkig is ... Maar dan vind ’n tragedie plaas wat tergende vrae tot gevolg het, en alles verander oornag.

Kom vind meer uit oor hoe om eerlik oor die self en jou omgewing te dig. In hierdie sessie met drie bekroonde digters gesels Antjie Krog, Bibi Slippers en Danie Marais oor hulle werk.

In Migdol was daar nog nooit ’n klaviershow nie. Ook nie op Baardskeerdersbos nie. Of op Zastron of Vrede nie. Ook nie op Op-die-Berg nie. Totdat Rocco de Villiers ’n konsert soontoe geneem het. Sy duisende besoeke aan dorpe in Suid-Afrika het hom geleer dat elke gehoorlid ’n verhaal het.

Min weet die staatsamptenare Pixley en Joubert wat op hulle wag toe Minister hulle na ’n vergadering genaamd “Removal of Monuments” ontbied. Dié twee amptenare se agtergrond is so uiteenlopend soos kan kom: Pixley is afkomstig van die Zoeloe-adelstand, terwyl Joubert glo van sy betoorgrootmoeder se kant afstam van generaal Piet Joubert.

Leierskap- en lewensafrigter Gretha van der Merwe is self deur skokterapie en Stikland. Totdat sy na haar lyf begin luister het. In hierdie boek deel sy haar reis – van spirituele ontwaking, van emosioneel volwasse word, van die taal van haar lyf wat sy moes leer vertrou – om nie net te oorleef nie, maar werklik te leef.

Julius Malema het sy groeiende politieke mag misbruik om sy party te befonds en om ’n eie persoonlike fortuin op te bou, ten koste van die arm Suid-Afrikaners vir wie hy na bewering veg.

Antjie Krog en Tom Lanoye is twee gevierde skrywers uit verskillende wêrelddele wat vrylik tussen genres beweeg.

In die oop ruimtes tussen sterre en swaartekrag sal jy Karlien van Jaarsveld vind waar sy kaalvoet en sonder pretensie by die Here sit. Daar waar sy met Hom kan gesels oor haar soeke en seer, want sy weet dat Hy gewillig en met deernis luister.

Op 23 Augustus 2021 op pad huis toe sterf ’n hardwerkende, stil enkelma in ’n koeëlreën. Haar naam was Babita Deokaran, hoofrekenmeester by die Gautengse departement van gesondheid.

Valskermbataljon-verhale vat jou saam met die Parabats – die elite-valskermsoldate wat deur die lug geval en op die grond geveg het. Dis regte stories deur regte manne oor oomblikke wat hulle nooit sal vergeet nie.

Van ’n afstand af is ’nversameling van memoires, verhale, sketse en vertellings as deel van ’nterugskouing oor ’n leeftyd. Van die skrywes is oor ’ntydperk in Afrikaanse koerante onder Koos van die Waterberge geplaas.

Ná Verhale uit Volstruisville volg Stephan Henrico se tweede bundel met vertellings, rubrieke, sketse en waarnemings. Vere langs die pad is biografiese kortverhale wat die skrywer se beskouing van die lewe blootlê.

Reggie Peace was 13 toe hy by die kinderhuis se voordeur gaan aanklop het. Hier kry hy stabiliteit en gou begin Reggie presteer. Maar hy bly ontevrede met homself – hy hunker na erkenning en aanvaarding.

Met haar aankoms by Noordeberg Hospitaal is Lola Anley aangenaam verras om aangewys te word as een van die top- mediese studente wat blyplek in die gesogte Straumann Huis kry.