’n Jong seuntjie moet die hele wêreld vashou. En al is hy bang, is hy bereid om alles van grootword te leer. Op sy kleurvolle avontuur leer hy die belang van verbeelding, vriendskap en braaf wees.

Wat word van al jou verlore sokkies? Vir elke liewe kas in die hele wye wêreld is daar ’n Kasmannetjie wat jou kas mooi netjies hou. Kasper, ’n trotse kaskadet, tesame met die sewe-en-’n-half-jarige rolskaatsende Blommie, waag haar kasdeure binne.

Dis heeltyd speeltyd in ’n wêreld van kattekwaad en koekeloer. Woeps en Waps is onwaarskynlike maats. Waps kruip weg in haar verbeeldingswêreld en Woeps is ʼn beterweterige babbelbekkie. Terg en pret om elke hoek en draai ontwikkel in ’n eindelose verbeeldingsreis vol speel, deel en verken.

Kaapstad Opera se betowerende Opera Blocks is ideaal om peuters en jong kinders bekend te stel aan die wêreld van opera en klassieke musiek.

Al ooit gewonder wat gebeur agter die zip van ’n potloodsakkie in ’n skooltas van ’n gr. 7-leerling op die eerste dag van ’n nuwe skooljaar? Kom ontmoet die ou skryfbehoefte-maats en sien hoe die toevoeging van nuwe, vreemde skooltoebehore die dinamika in die sakkie verander.

Mosa en Neo is beste maats wat mal daaroor is om saam kgati (touspring) te speel. Wanneer een van hulle skielik nie meer daar is nie, bly die ander een agter met gevoelens van hartseer, verwarring en onsekerheid oor hoe om sonder haar vriendin aan te gaan.

Met toeters en fluitjies en ’n gesig so mooi geverf, trap Zonkie ’n fiets vol fieterjasies en bederf. Daar is skoenlappers wat fladder in die wolke bo haar kop, en ’n boomhuis vol stories wat oopmaak as sy stop!