Ná ’n sewe jare lange skeiding ontmoet twee boesemvriende mekaar weer. Tydens hierdie herontmoeting word die verskille tussen die twee al hoe duideliker, en geheime wat lank bewaar is, kom na vore. Beloftes word verbreek en dit lyk of hul kosbare vriendskap tot ’n einde sal kom. Sal hierdie verskille tot ’n permanente skeiding lei? Of sal hulle wel ’n manier vind om dit wat vir hulle waardevol is te behou?
