In Soos ’n lafenis stel Koos van der Merwe sy nuwe digbundel, die armkant van rykdom, bekend. Daar is groot afwagting nadat sy gedigte oor die afgelope maande deur meer as 500 000 mense op sosiale media gelees is. Saam met hom op die verhoog is ’n kitaarspeler en sanger van formaat – Ryno Grobbelaar van Rhino and the Rasta-faam. ’n Hele paar eerstes word gehoor, maar omdat Koos ook die uitreiking van sy eerste album 35 jaar gelede vier, word een of twee nostalgiese nommers van dekades gelede ook afgestof. ’n Konsert wat die hartsnare sal roer.