Al ooit gewonder wat gebeur agter die zip van ’n potloodsakkie in ’n skooltas van ’n gr. 7-leerling op die eerste dag van ’n nuwe skooljaar? Kom ontmoet die ou skryfbehoefte-maats en sien hoe die toevoeging van nuwe, vreemde skooltoebehore die dinamika in die sakkie verander. ’n Krisis-oomblik is egter die katalisator, waar die skryfbehoeftes besef dat hulle mekaar nodig het en dat slegs samewerking ’n tragedie kan help voorkom. Kan Penny, die Bic Smooth Roller, gered word en kan die skryfbehoeftes mekaar vertrou en as ’n span funksioneer?