Hierdie unieke interaktiewe storievertel-ervaring bring gesoute storievertellers byeen, en gehoorlede kry ook ’n beurt – inderwaarheid verskaf hulle die eerste vonk. Die gehoor gooi woorde na twee spanne vertellers wat dan ’n storie uit die woord moet optower! Maar daar is ’n tydsbeperking op elke storie. Soos regte kokke word daar kluitjies gebak. Die erfenis van storievertel is diep gewortel in Suid-Afrikaanse kultuur.